ფინანსური აღრიცხვა

თითოეული ლექცია დაყოფილია რამდენიმე ვიდეოდ. ლექციის ბოლოს გექნებათ წვდომა მასალებზე, სადაც მოცემულია იმ თემის პრაქტიკული მაგალითები, რომელსაც ვიდეოში განვიხილავთ.

ყოველ ლექციაში, თეორიულ მასალასთან ერთად, ავხსნით ერთი კომპანიის მაგალითზე კონკრეტული თემის გარშემო არსებული სამეურნეო ოპერაციების გატარებებს პროგრამულ უზრუნველყოფაში და გავიგებთ, რეალურად როგორ ხდება ფინანსური აღრიცხვის წარმოება თანამედროვე მეთოდოლოგიით.

ასევე ვისაუბრებთ, თუ რა დოკუმენტებია საჭირო ბუღალტერიაში ჩანაწერების არსებობისთვის და ავხსნით მათი შედგენის ტექნიკებს. ბოლოს, შევადგენთ ფინანსურ ანგარიშგებას ყველა თავისი კომპონენტით და გავაანალიზებთ სამეურნეო სუბიექტის საქმიანობის შედეგებს რამდენიმე წლიან დინამიკაში, ასევე შევადარებთ დარგის კომპანიას.

განვიხილავთ თვის ჭრილში რა დეკლარაციების წარდგენა ევალება კომპანიას და შევავსებთ ყველა საჭირო დეკლარაციას საქართველოს კანონმდებლობიდან გამომდინარე.

საბოლოო ჯამში,  ამ კურსით შესაძლებლობა გექნებათ გაიღრმაოთ ცოდნა ფინანსური აღრიცხვის კუთხით. ვინც ახლა იწყებთ, ან კიდევ ფლობთ საკუთარ კომპანიას და არ გყავთ ბუღალტერი, წარმოდგენა შეგექმნებათ, როგორ ხდება ფინანსური აღრიცხვის წარმოება და საგადასახადო კანონმდებლობიდან გამომდინარე ანგარიშსწორება ბიუჯეტთან.

გისურვებთ წარმატებებს!

კურსი მოიცავს შემდეგ საკითხებს:

• ლექცია N1 - ბუღალტრული აღრიცხვის პრინციპები
• ლექცია N2 - ფულადი საშუალებების აღრიცხვა
• ლექცია N3 - მოთხოვნების აღრიცხვა
• ლექცია N4 - სასაქონლო-მატერიალური ფასეულობების აღრიცხვა
• ლექცია N5 - ძირითადი საშუალებების აღრიცხვა
• ლექცია N6 - არამატერიალური აქტივების აღრიცხვა
• ლექცია N7 - მოკლევადიანი ვალდებულებების აღრიცხვა
• ლექცია N8 - გრძელვადიანი ვალდებულებების აღრიცხვა
• ლექცია N9 - გადასახადების აღრიცხვა
• ლექცია N10 - შემოსავლებისა და ხარჯების აღრიცხვა
• ლექცია N11 - მომხმარებელთა ლოიალობის პროგრამების აღრიცხვა
• ლექცია N12 - საკუთრი კაპიტალის აღრიცხვა
• ლექცია N13 - ბალანსი და მოგება-ზარალი
• ლექცია N14 - ფულადი ნაკადების ანგარიშგება
• ლექცია N15 - ფინანსური ანგარიშგების კომპონენტები.