ცოტნე ყურაშვილი

მე ცოტნე ვარ, სალამი 🙂 

დავიბადე თბილისში და 12 წლის ასაკში ოჯახთან ერთად ემიგრაციაში წასვლა მომიწია, სადაც დავამთავრე სკოლა და ერთნახევარი უნივერსიტეტი (დიდი ისტორიაა 😄). პროფესიით, და რაც უფრო მნიშვნელოვანია — მოწოდებით ვარ თარჯიმანი/ლინგვისტი. 3+ წელი ვთარგმნიდი ფილმებს (ინგლისური/ესპანური/რუსული ენებს შორის), 2015 წლიდან 2022 წლის ჩათვლით ვმუშაობდი სხვადასხვა პროექტებში მოწვეული თარჯიმანი/ლინგვისტის პოზიციაზე. 2021 წელს გამოვიდა ზურა ჯიშკარიანის "საღეჭი განთიადების" ჩემი თარგმანი რუსულ ენაზე.

ახლა ვთარგმნი წიგნს ბითქოინის შესახებ, რომელიც სავარაუდოდ წელს გამოვა (აუდიოვერსიითურთ).

რაც შეეხება კრიპტოს 🙂

პირველად სიტყვა "კრიპტოვალუტა" 2017 წლის ზაფხულში გავიგე, ჩემი მოგზაურობა ამ სფეროში კი 2018 წლის თებერვალში დაიწყო, როდესაც ჩემი რამოდენიმე თვიანი გამოკვლევებისა და ინფორმაციის ძიების შემდეგ (რაც ზოგადად ჩემი ჰობია) მეგობრებთან ერთად გადავწყვიტეთ ჩვენი პირველი საერთო ინვესტიცია გაგვეკეთებინა, რომელიც საბოლოო ჯამში წარუმატებელი აღმოჩნდა.

ამან დამაფიქრა, საფუძველი მომცა გამეანალიზებინა მიღებული შედეგები და მიმიყვანა ბითქოინამდე, რომლითაც ვფიქრობ რომ სინამდვილეში უნდა იწყებოდეს ამ სფეროსთან გაცნობა — სხვაგან წასვლა აღარც მოგინდება 🙂